Olatu Talka hiritarren irudimenean fokoa jartzeko jaio da, berauen energiari ateak zabalduz, uholde moduan zabal dadin hirian, imagina daitezkeen forma libre eta anitzenak hartuz. Energia sozial eta kulturaleko jaialdi bat da, aktibitate indibidual zein kolektibo ugaritan zehaztuko dena.

Proiektua erronka bat da batez ere jaialdi honen parte diren aktibitate kopuru handiarengatik, eta gertakizun hauen sailkapen konplexuagatik. Gertakizunak egunaren, gaiaren eta biltzen dituen hautagaitzako ardatzaren arabera sailkatzen dira, eta sailkapen guzti hauen arabera nabiga daiteke. Mapak ere prestatu ziren gainera, jaialdiaren egun bakoitzerako bana, gertakizunen kokapena eta gaia identifikatzeko moduko ikonoekin, eta beste mapa orokorrago bat, gertakizun guztiak biltzen dituena.

Espai Catalunya Topalekua gure komunitateen arteko loturak sendotzeko sortu zen. Izan ere, kataluniar asko bizi gara Euskal Herrian, eta badakigu zer-nolako interesa pizten duten hemen Kataluniarekin lotura duten gai guztiek; eta aitzitik, jakina da zer-nolako pasioa pizten duen Katalunian Euskal Herriarekin zerikusia duen edozerk. Hori dela eta, hasieran Kataluniako Etxea izan behar zuena gerora eraldatu eta Espai Catalunya Topalekua elkartean gorpuztu da.

Bosgarren urteurrena ospatzeko, besteak beste Espaik bere lana eremu berrietan ezagutarazteko eta elkartekideen talde-sentimendua indartzeko helburuak ezarri ditu; honetarako, webguneaz gain hainbat saretan presente egoteko erabakia hartu du.

herrialdeetako bertsogintza erakustea, ohiko bertsozalea asebetetzea, bertsozale berriak erakartzea, erdal komunitateari bertsolaritza ezagutaraztea eta bertsolaritza garaiko kultur adierazpen bezala errekonozitua izatea.

Txapelketa Nagusiaren gune ofizialak partaide eta saio guztiei buruzko informazio estatikoa, albisteak, puntuazioei buruzko informazio eguneratua, argazki galeriak eta prentsa atala dauzka. Erabiltzaileek sarean topatutako erreferentziak bildu eta antolatzeko aplikazioa ere badu, BTN09 Sarean. Gunea euskara hutsezkoa da, baina eduki batzuk beste hizkuntzatan ere aurki daitezke.

Nazioarteko kongresu honen gune ofizialak eduki finkoko zenbait atal, albisteekin eguneratzen den blog bat eta argazki galeriak dauzka. Kongresurako izen ematea ere gunearen bitartez egin daiteke. Gainera, gune osoan hiru hizkuntzatan nabiga daiteke.

Pertsonak haziarazten ditugu da Sportiren eslogana; izan ere, nork bere burua gainditzea, talde lana eta konfidantza bezalako baloreak oso presente daude GSFk proposatutako gogoeta honetan.

Webguneak eduki finkoko zenbait atal eta albisteak jasotzen dituen blog bat ditu. Egutegi bat ere badauka eskuinaldeko eremuan eta edukia bi hizkuntzatan dago eskuragarri (gaztelera eta euskara).

iNNoVaNDiS programaren helburua Deustuko Unibertsitateko ikasleen artean izaera berritzailea zein jarrera ekintzailea sortu eta indartzea da. Ikasleei egiten zaien eskaintza da programa hau, eta borondatez hartzen dute parte; berrikuntzaren kudeaketan gaitasunak lortu eta euren enpresa zein ikerketa proiektuak kaleratzera anima daitezen espero da.

Sonna Estudioa arduratu da Graxianaren proiektuaz eta gure lankidetza eskatu zuen bere diseinuaren maketaziorako; taularik gabe eta nabigatzaile guztietan itxura berarekin burutu dugu. Guneak maketa ezberdindun atalak dauzka, hala nola azala, gelen fitxak, argazki galeria, erreserbak egiteko formularioa (martxan jarri gabe oraindik) eta albisteak argitaratzeko bloga.