Iradoki » Miren

Twitterreko profil baten RSS jarioa non aurkitu

Miren — Thu, 05 May 2011 10:34:07 +0000

Twitterreko perfilen RSS jarioak dexentetan erabili ohi ditugu sare sozialetako jarraipena eskatzen duten proiektuetan. Twitterreko perfil zaharrek zuzeneko lotura bat zuten erabiltzailearen argitalpenen RSS jariora perfilaren orritik bertatik, baina Twitter berria abian denetik, perfilek ez dute lotura hori inondik ere agertzen. Perfil berriak pixkanaka zabaltzen joan zirenez, bazegoen aukera saioa itxi eta sartu gabeko erabiltzaile bezala sartzeko perfiletan; orduan Twitter zaharraren interfazearekin ikus zitezkeen perfil hauek.

Baina dagoeneko Twitter berria erabat zabalduta dago, eta ez dago interfaze zaharra erabiltzeko modurik. Twitterrek RSS jariorako loturak ezabatu ditu bai perfilen interfazetik eta baita dokumentuen goiburutik ere, RSS jario guztiak erabat ezkutatuz. Laguntza ofizialak programatzaileen eskura dauden metodoak erabiltzera gonbidatzen bagaitu ere jario hauek eskuz sortzeko, berez feed hauek oraindik ere existitzen dute, lehen bezalaxe. Zein URL idatzi jakin besterik ez dago.

Twitterreko perfil guztiek dute bere RSS jarioa, honako itxuradun URL batean: http://twitter.com/statuses/user_timeline/[erabiltzaile-id].rss Behar duzun erabiltzailearen ID-a ezagutuko bazenu, dagokion tokian sartu eta listo. Baina erabiltzaile ID hori ezagutzen ez baduzu (eta ez, ez da erabiltzaile izena bera; Flickr-en gertatzen den bezala), hau lortzeko bide bat bilatu beharko duzu. Hemen Twitterrek gonbidapena egiten digu, garatzaileak bagara, informazio hau lortuko duen tresna bat garatzeko. Baina norbaitek egin du dagoeneko: ID from user, Twitterreko erabiltzaile izen bat sartu eta bere ID-a bueltatzen digun tresna. Orain zenbaki kode hori URLra gehitu besterik ez dugu, eta listo, hortxe dugu bilatzen genuen jarioa.

Twitterrek bere keep it simple estrategian oinarritzen du perfiletako RSS jarioen desagerpen hau; honek azaldu dezake zergatik lotura ez dagoen interfazearen bitartez eskuragarri, baina benetan dokumentuaren goiburuan, erreferentzia moduan, utzi izan balute, erabili nahi duenarentzat, prozesu guzti hau ekidin genezake. Ez dut ulertzen nola IDak bila eta bila ibili eta URLak eskuz idazteak sinpleago egiten duen.

[Iturri originala: Twitter Tricks: Find Your Account RSS Feed In The New Profile Format]

Eguneraketa (2011/05/9): Antzeko zerbait egin dute Facebooken, Genbetan diotenez.

Benetan behar al du zure enpresak Twitter kontu bat?

Miren — Tue, 16 Nov 2010 08:45:46 +0000

Hausnarketa pixka bat ez da soberan izaten. Gauzak egiteagatik egitea, ala «denek egiten dutela» dirudielako, espero baino garestiago atera daiteke. Dena dela, azken-azkeneko sare sozialari edo teknologiari buruzko galderak ditugula ere, hauetariko gehienak batere berria ez den zerbaitekin erantzun daitezke: zentzua.

Irudi originala: Zengage, The Zendesk Blog

«Zintzo, zure enpresaren Twitter-eko kontua jarraituko zenuke?». Baietz erantzunda bakarrik dauka zentzua kontu horrek. ala, beste era batera esanda, ez egin lagun hurkoari, zuri egitea nahi ez duzunik.

Bulegoaren inaugurazioa

Miren — Mon, 09 Nov 2009 10:53:30 +0000

Joan den azararen 5ean, osteguna, azkenean gure lagunetako batzuk elkartu genituen gure bulegoa inauguratzeko. Pintxodun gonbidapen dexente egon ziren aste horretan, baina Ion, Vero, David, Miguel eta Aitorrek fisikoki etortzeko tartea bilatu zuten ospakizun hau gurekin egiteko.

Hura bezalako egun euritsu batean egindako esfortzuaren ordainetan La Habanako pintxo zenbait, Cubeecrafteko paperezko panpinak eta diseinu grafikoa eta webaren inguruko gaiei buruzko liburu batzuk jaso zituzten opari. Pintxoak erabat ahaztuta izango dituzte dagoeneko, baina beste opariei probetxu hobea aterako dietela espero dugu. Aitorrek gainera sorpresa eman eta oparitxo bat ekarri zigun berak, Robert T. Kiyosaki eta Sharon L. Lechter-en “Padre Rico, Padre Pobre”. Gustora asko irakurriko dugu.

Eskerrik asko etorri zineten guztiei, eta baina etorri ezinda zuen gogoan izan gintuzuenei ere!

Donostia 2016

Miren — Wed, 09 Sep 2009 13:23:22 +0000

Donostia 2016rako Europako kultur hiriburutzarako hautagaia da, Europako herrien arteko hurbiltasunean eta elkartrukean laguntzeko helburuarekin Europar Batasunak bultzatutako ekimena. Oraindik hasiera-hasierako faseetan egonda ere, Donostiaren Europako kultur hiribururako hautagaitza apustu sendoa da, Kursaalaren handitzea, Tabakalera, Jazzaldia eta Zinemaldiarekin, gure hirian gertatzen diren beste hainbat kultur aktibitateren artean.

Gure lana

Mantenua. Edukiak gehitu eta egituraren moldaketa txikiak ere egiten ditugu gunearen eduki-kudeatzailearen bitartez.
Sare sozialetan dinamizatzea. Edukiak eguneratu eta komunitatea sortzea sustatzen dugu hainbat sare sozialetan, Facebook, Twitter eta Flickr-en adibidez.
Web analitika. Gunearen trafikoa eta sare sozialetan egindako ekintzen errentagarritasuna neurtzen duten analitika informeak prestatzen ditugu, beti hobekuntzara begira.

Hello world!

Miren — Fri, 14 Aug 2009 12:10:36 +0000

Ingurukoentzako “gu” ginenean, uste genuen inor izango ez ginela Ogasuna, Gizarte Segurantza eta abarrentzako norbait ez ginen bitartean. “Iradoki” izeneko kooperatiba bihurtu ginenean Ogasunarentzat, autonomiak Gizarte Segurantzarentzat, eta abar, “gu” besterik ez izaten jarraitzen genuen ingurukoentzako, ez geneukalako ez txartel komertzialik eta ezta webgunerik ere (halakorik!). Orain guztiak dauzkagula, ausartzen gara esaten: Kaixo, mundua!

Hemendik gure aktibitateari buruzko informazio puntuala emango dizuegu, lanekoa zein gure gogoeten ingurukoa, bezero, lagun eta familiartekoei. Gune honek zuekin guztiekin elkarrizketatzeko ere balio dezala nahi genuke. Oraingoz, nor garen eta zer egiten dugun ikus dezakezue, gurekin harremanetan jartzeaz gain.

Hasten baino ez gara ari, webgunearekin ere bai. Gutxienekoarekin gatoz oraingoz, baina hobetzen joateko konpromisoarekin ere bai. Hemen gabiltza dagoeneko, beraz, ikusiko gara!