Category Archives: Blog

Twitterreko profil baten RSS jarioa non aurkitu

Miren    2011/05/05

Twitterreko perfilen RSS jarioak dexentetan erabili ohi ditugu sare sozialetako jarraipena eskatzen duten proiektuetan. Twitterreko perfil zaharrek zuzeneko lotura bat zuten erabiltzailearen argitalpenen RSS jariora perfilaren orritik bertatik, baina Twitter berria abian denetik, perfilek ez dute lotura hori inondik ere agertzen. Perfil berriak pixkanaka zabaltzen joan zirenez, bazegoen aukera saioa itxi eta sartu gabeko erabiltzaile bezala sartzeko perfiletan; orduan Twitter zaharraren interfazearekin ikus zitezkeen perfil hauek.

Baina dagoeneko Twitter berria erabat zabalduta dago, eta ez dago interfaze zaharra erabiltzeko modurik. Twitterrek RSS jariorako loturak ezabatu ditu bai perfilen interfazetik eta baita dokumentuen goiburutik ere, RSS jario guztiak erabat ezkutatuz. Laguntza ofizialak programatzaileen eskura dauden metodoak erabiltzera gonbidatzen bagaitu ere jario hauek eskuz sortzeko, berez feed hauek oraindik ere existitzen dute, lehen bezalaxe. Zein URL idatzi jakin besterik ez dago.

Twitterreko perfil guztiek dute bere RSS jarioa, honako itxuradun URL batean: http://twitter.com/statuses/user_timeline/[erabiltzaile-id].rss Behar duzun erabiltzailearen ID-a ezagutuko bazenu, dagokion tokian sartu eta listo. Baina erabiltzaile ID hori ezagutzen ez baduzu (eta ez, ez da erabiltzaile izena bera; Flickr-en gertatzen den bezala), hau lortzeko bide bat bilatu beharko duzu. Hemen Twitterrek gonbidapena egiten digu, garatzaileak bagara, informazio hau lortuko duen tresna bat garatzeko. Baina norbaitek egin du dagoeneko: ID from user, Twitterreko erabiltzaile izen bat sartu eta bere ID-a bueltatzen digun tresna. Orain zenbaki kode hori URLra gehitu besterik ez dugu, eta listo, hortxe dugu bilatzen genuen jarioa.

Twitterrek bere keep it simple estrategian oinarritzen du perfiletako RSS jarioen desagerpen hau; honek azaldu dezake zergatik lotura ez dagoen interfazearen bitartez eskuragarri, baina benetan dokumentuaren goiburuan, erreferentzia moduan, utzi izan balute, erabili nahi duenarentzat, prozesu guzti hau ekidin genezake. Ez dut ulertzen nola IDak bila eta bila ibili eta URLak eskuz idazteak sinpleago egiten duen.

[Iturri originala: Twitter Tricks: Find Your Account RSS Feed In The New Profile Format]

Eguneraketa (2011/05/9): Antzeko zerbait egin dute Facebooken, Genbetan diotenez.

, , 3

Benetan behar al du zure enpresak Twitter kontu bat?

Miren    2010/11/16

Hausnarketa pixka bat ez da soberan izaten. Gauzak egiteagatik egitea, ala «denek egiten dutela» dirudielako, espero baino garestiago atera daiteke. Dena dela, azken-azkeneko sare sozialari edo teknologiari buruzko galderak ditugula ere, hauetariko gehienak batere berria ez den zerbaitekin erantzun daitezke: zentzua. Fluxu-diagrama polit bat saltoaren ondoren ›

, 0

Enpresa Digitalarentzako (Araba) ikastaroa

Mikel    2010/02/22

Gure formakuntza ekintzen artean datorren martxoaren 25ean Enpresa Digitalerako lehen ikastaroa emango dugu: “Escucha activa en la web (y cómo facilitar la tarea con Yahoo! Pipes)”.

Gauza jakina da enpresa, erakunde zein norbanakoek saretan presentzia izan behar dutela: bloga, Facebookeko profil zein orriak, Twitter… argazkiak Flickr-era igotzen ditugu, bideoak Youtube edo Vimeora… Halabaina, egon behar horrek askotan gauzak kontatzera garamatza, baina entzun gabe. Eta Bernoff-ek eta Li-k Groundswell world liburuan adierazten dutenez, «hitzegin baino lehen entzun egin behar dugu« (eta mereziko duen elkarrizketa baten parte izan nahi badugu, hitzegiten dugun bitartean entzun ere egin beharko dugu).

Ikastaro honen bitartez saretan jendeak esaten duena entzuten jakitearen garrantzia nabarmendu nahi dugu (batez ere gure sareetatik kanpo esaten direnak); halaber, topatuko ditugun zailtasunak aztertuko ditugu eta egunetik egunerako lana errazten saiatuko gara. Lehen atala teorikoagoa izango da, eta bigarrena praktikoa izango da: Yahoo! Pipes-ekin iturri desberdinetako informazioa RSS jario bakar batean biltzen ikasiko dugu.

Sergio Mongeri eskertu nahi diogu Enpresa Digitaleko arduradunekin harremanetan jarri izana

Beste formakuntza-ekintza batzuk

0

«Estudios culturales y de los medios de comunicación» liburuaren aurkezpena

Mikel    2010/01/08

Share photos on twitter with Twitpic
Aurreko ostiralean Deustuko Unibertsitatean izan ginen, María Pilar Rodríguezek editatutako Estudios culturales y de los medios de comunicación liburuaren aurkezpenean. Liburuak  gure artikulu bana jasotzen du.

* Berasategi, 2009, «Incorporación de la Web 2.0 a las ediciones web de los periódicos vascos» (183-220)
* Madina, 2009, «Adaptación básica de un wiki para entornos CSCL» (221-260)

Gure artikuluak liburuko lau ataletako hirugarrenaren barnean jasotzen dira:

* Estudios: cine y literatura
* Re/interpretaciones
* Informes: nuevas prácticas desde la web
* Estudios: procesos de consumo y aprendizaje cultural

Liburuaren edizioa luze joan da (urte bete baino gehiago pasa da artikuluak aurkeztu eta liburua publikatu artean), eta litekeena da gure datuen eta gaurko egoeraren artean aldeak izatea. Ezer gutxi, espero dugu ;o)

Liburu honekin batera, bere ingelesezko anaia aurkeztu zuten, Basque/European Perspectives on Cultural and Media Studies. Anaia diogu, artikulu batzuk bietan agertzen direlako (Mirenena barne), baina ez denak (saiatu gara sarean liburuon artikuluen zerrenda bilatzen, baina ez dugu ezer topatu).

Baten batek gure artikuluak irakurri nahi izango balitu, eskatu besterik ez du.

, , 0

Blogak, sareko presentzia eta iruzurra

Mikel    2009/12/10

Atzo gauean @ketarik href=”http://nireblog.com”>nireblogen splog bat aurkitu zuela komentatu zuen eta, ezabatu baino lehen egun batzuz bere horretan utziko zuela esaten zuen arren, badirudi iritzia aldatu duela, orain ezin baita blog horretara sartu (tira, Google-en cache-an oraindik irakurri ahal dira blogeko idatziak. Gai honek nire jakinmina piztu zuen, eta ikerlantxo batzuk egin nituen

Nireblog-ekoaz gain, @ketarik beste blog bat aipatzen zuen, La coctelera-n ostatatua. Eta bilaketa txiki batzuk eginda, balizko presentzia sortu nahi duen sare honetan 10 blog baino gehiago topatu ditut. Blog guztiak erabiltzaileari blog bat doanik eta modu errazean izateko aukera eskaintzen dioten dioten zerbitzuetan ostataturik daude: nireblog, espacioblog, wordpress, blog.com.es, blogcindario, obolog, gratisblog, soy.es, zonalibre, mibitacora, enunblog, vecinos…

Adibide gisa

Hona blog haueran plazaratutako azken postak, data, bloga eta postaren izenburuarekin (ez daude topatutako blog guztiak, batzuk ez dutelako RSS jariorik; baten batek jarioa duten blogetako post guztiak arakatu nahiko balitu, pipe-aren orrialdera joan besterik ez du):

Gogoetak

  • Hasteko, badirudi blog guztiak estrategia beraren parte direla. Blogen izenburuak oso antzekoak dira, blog gehienak Javier Galánek idatziak dira (eta beste batzuk María Freirek idatziak), posten izenburuak berberak dira, etab.
  • Informazioari dagokionez, blogen artean izenburu bereko postetako edukia ez da bera (batek pentsa lezakeenaren kontra). Badirudi bestelako iturria duten testuak zatitu eta blog desberdinteako posten artean banatzen direla. Arrazoi hau dela-eta, informazioak badu gutxieneko interesa (informazioa egiazkoa da), baina arretaz irakurrita garbi dago testuak ez direla naturalak (esate baterako, post bat esaldi honekin hasten da: «Llegamos así a la Catedral»).
  • Postetan agertzen diren irudiak Turgaliciatik hartuak dira (hotlinking erabilita)
  • Kanporako esteka guztiak Turgaliciako orrietara doaz

Horiek ikusita, blog hauek spam-blog-ak direla esan genezake? Aurrera baino lehen, onartu behar dut termino horrek ez nauela asetzen: spam-a erabiltzailearen bila joaten da, baina blog batera erabiltzaileak hurbildu behar du (blogera sartuta, RSS jarioak erabilita….).

Hortaz, blog hauek ez dira iruzurrezkoak? Bai, badira.

Iruzurra garbia da, eta batik bat bilaketa-motoreekikoa bada ere, hiru motako iruzurrez mintza gaitezke:

  • Bilaketa-motoreekiko iruzurra: blog hauen helburua Turgalicia webgunean bilatzaileen «begien» aurrean ikuspena handitzea da, eta sarrera-bideak ugaritzea. Informazio gehiago nahi izanez gero, jo wikipediaren Black Hat SEO (edo Spamdexing) orrira.
  • Erabiltzaileekiko eta komunitatearekiko iruzurra: blogak komunikaziorako lanabes diren einean (norbanakoenak, taldeenak, enpresenak, elkarte batenak…) bai mezuak bai solaskideek fidatzekoak behar dute izan, blog hauen kasuan gertatzen ez dena. Kopiatu-moztu-pegatu-eta-adabakitu teknika honek ez die inondik inora komunitatearen interesei jaramonik egiten.
  • Komunitateari zerbitzu bat (bloga doan eta erraz izateko aukera) eskaintzen dioten pertsona eta enpresekiko iruzurra: zerbitzua doanekoa da erabiltzailearentzat, baina ez hornitzailearentzat: hosting-a, lan-orduak… Ez dakit besteek zer egingo duten, baina Ketariren erabakia garbia da.

Gauzak honela, eta euren irudiaren onerako, Turgaliciakoei iruzurrezko teknika hauek alde batera utzi eta ahaleginak beste bide batzuetan jorratzeko gomendatuko nieke: baleko enpresa-blog bat sortu (bibliografia ugaria da gai honen inguruan; hasteko liburu interesgarri bat, Alberto Ortíz de Zarateren Manual de uso del blog en la empresa, Infonomíak argitaratua eta PDF formatuan doan eskuratzeko moduan), webgunea erabiltzaileentzat nahiz bilatzaileentzat irisgarri izateko moldatu, etab.

3

Bulegoaren inaugurazioa

Miren    2009/11/09

Joan den azararen 5ean, osteguna, azkenean gure lagunetako batzuk elkartu genituen gure bulegoa inauguratzeko. Pintxodun gonbidapen dexente egon ziren aste horretan, baina Ion, Vero, David, Miguel eta Aitorrek fisikoki etortzeko tartea bilatu zuten ospakizun hau gurekin egiteko.

Hura bezalako egun euritsu batean egindako esfortzuaren ordainetan La Habanako pintxo zenbait, Cubeecrafteko paperezko panpinak eta diseinu grafikoa eta webaren inguruko gaiei buruzko liburu batzuk jaso zituzten opari. Pintxoak erabat ahaztuta izango dituzte dagoeneko, baina beste opariei probetxu hobea aterako dietela espero dugu. Aitorrek gainera sorpresa eman eta oparitxo bat ekarri zigun berak, Robert T. Kiyosaki eta Sharon L. Lechter-en “Padre Rico, Padre Pobre”. Gustora asko irakurriko dugu.

Eskerrik asko etorri zineten guztiei, eta baina etorri ezinda zuen gogoan izan gintuzuenei ere!

, 3

Urriaren 31ko “A bilduan” aipatutako zerbitzuak eta programak

Mikel    2009/11/06

Entzun programa EiTBren webgunean

0

Euskadi Irratiko “A bildua” programarekin asteroko lankidetza

Mikel    2009/10/21

Datorren larunbatetik aurrera (2009ko urriaren 24), Xabier Unanuek aurkezten duen Euskadi Irratiko “A bildua” irratsaioan parte hartuko dugu, sareko presentziaren inguruko kontuak hizpide. Gure lehen tartetxoa blogen ingurukoa izango da.

Programaren ordutegia bati baino gehiagori trabestuko zaiolakoan (larunbatetan goizeko 9:30tan), hemen duzue A bildua irratsaioko podcast-a.

, , 3

Hello world!

Miren    2009/08/14

Ingurukoentzako “gu” ginenean, uste genuen inor izango ez ginela Ogasuna, Gizarte Segurantza eta abarrentzako norbait ez ginen bitartean. “Iradoki” izeneko kooperatiba bihurtu ginenean Ogasunarentzat, autonomiak Gizarte Segurantzarentzat, eta abar, “gu” besterik ez izaten jarraitzen genuen ingurukoentzako, ez geneukalako ez txartel komertzialik eta ezta webgunerik ere (halakorik!). Orain guztiak dauzkagula, ausartzen gara esaten: Kaixo, mundua! Read More »

4