Miren Berasategi Zeberio

Giza Zientziak: Komunikazioan lizentziatua Deustuko Unibertsitatean eta Sociedad de la Información y el Conocimiento masterra burututa Universitat Oberta de Catalunyan. 2004tik Deustuko Unibertsitateko Giza Zientzien Fakultateko komunikazio grafikoko eta teknologia berrietako irakasgaietako irakasle naiz, eta Fakultateko webgunearen arduradun izan naiz. Era berean, Fakultateak sareko komunikazioa bizkortzeko egindako ahaleginaren barnean Estudios en Comunicaciónen sortzaile naiz. Diariovasco.com-en lanean aritu naiz, webguneetako eta sare sozialetako analitikaren arduradun.

Sarearekin lotutako guztiak liluratu egiten nau, azken aroko (eta datozen aroetako) alderdi sozialetik hasi eta webguneetarako diseinua eta maketaziora arte, alor teknikoagoak ahaztu gabe (zerbitzarien kudeaketa, adibidez). Letratakoa izaki, webguneetako analitikaren bitartez estatistika eta zenbakien edertasuna estimatzen ikasten hasia naiz. Aisiari begira, beti daramatzat liburu bat eta argazki-kamara gainean; nahi baino argazki gutxiago atera eta liburu gutxiago irakurtzen dut ordea.